({ كنت اظن الريح جابت عطركـ يسلم علي})

ـالحزن
هو أن ألتقيك في زحمة العمر وانسج معك أجمل حكاية حب
نعيش تفاصيلها وطقوسها ونحلم بغد أفضل ثم تنتهي الحكاية بمأسآة!!
أن أفتح لك مدن أحلامي وأسكن معك في قصر من الخيال ثم ينهار القصر على رأسي..
أن أراك فجأة ويجمعني بك الطريق ذات يوم فأراك بصحبة غيري يدك في يده تنظر إليّ فلا تعرفني وعمرنا وذكرياتنا وحبنا خلفك يناديك فهــــــــــــــل تسمعــــــــــــــــه
ミ
ミ
هو : كيف الحـــــــال ؟ شخبارك حنين ..
هي : .... كـيــف حـالــي !
وربي / بـ الحـزن ممتحني
كـيـــف حـالـــي؟
وعمري / انجرحت وماحكيت !!
بسـمتي ارتسمها رغم حـزني وكني
دايم الحـال طيب / أبد ماقد شـكيت ..
ミ
ミ
هي : جاي تتشمت ..صح !! أبشرك أنا في أحسن حالاتي ..
هـــــو : لأ والله جيت بسلم عليك وأشوفك يعني كنتي تظنين أني مارح أجي !
هي : بـــكره زواجك ياعريس مبروك ..
هـو : تقصدين اليوم ..الليله زواجي ..بس جيت بسلم عليك وبشوفك محتاجه شي ..
هي : وأنا الي كنت أظن..وكنت أظن وخاب ظني ..ومابقى بالعمر شي وأحتريتك !!
هو : من قال ان العمر مابقى فيه شي العمر قدامنا ..العمر فيه أحلى ذكرياتنا المستحيل ننساها العمــــر فيه أحلامنا ..صح ياحنين ..
ミ
ミ
ミ
هي : ... ... ... ... ... ... ...
هو : ليش ساكته سكوتك ذا يعذبني يحسسني بالذنب ..
هي : لا ياشيييييخ ..اليوم زواجك وش تبيني أسوي أرقص يعني ولا أغني ولا أزفك جاي تقولي أحلامنا ..أحلامنا !! تكفى عاد أي أحلام أي خرابيط ...
هو : وش تبين علميني ..أنا بس جاي أعرف وش تبين جاي بس أسمعك ..
هي : لاتتأسف .. مــا أبي منك اعتذار
أبيك تردأيام عمري مثل ماضيعتها
أبي أرجع مثل ماكنت ( حنين ) شمعة الدار
اللي من عرفتك " إنت" انطفى نورها
وأبيك تسددديون(ن) غدت فرقـبتك كثار
وماظنك لوقضيت العمر كله تحت رجلي بتسدها..
ミ
ミ
ミ
هــو: حنين وش فيك الحين أنا جاي عشان نتكلم نتحاور ..تدرين سبب زواجي من ثانيه ..حنين من حقي أجيب عيال سليمين ..من حقي أكون أبو ..
وأنتي بعد من حقك وعشان كذا أنا جيت ..اذا تبين ..
هي : أعتبر هذا أصعب قرار أتخذته في حياتي ..
هـو : وأنا بعد أعتبر زواجي من ثانيه أصعب قرار ! والحين .. أبي أعرف رأيك تبيني فيه أحساس عايش فيك تجاهي ..!!
هي :احساس !! اذا كان الأماكن الي مريت أنتا فيها عايشه بروحي وأبيها !!
هـو : يعني مازلتي تحبيني
هي : من قال غير كذا أنت كل عمري وحياتي أنت ولد عمي ولد خالتي تزوجتك وأنا بزر وتعودت عليك ..على يدك تخرجت من هالحياة حتى صوتي وضحكتي لك فيهــــا شي ..
هــــو : أكيد ..هالكلام من قلبك ..
هي : قلبي أي قلب الي قاعد تتكلم عنه !! قلبي عطيتك اياه أمانه من أول يوم في زواجنا ..والى الآن ما أخذته ..
هو : تبينه !
هي : أنت أستغنيت عنه !
هـــــــــــو : أنا يوم تزوجتك كنت أبحث عن الحب ,,ولقيته ومستحيل أستغى عنه بس مالله أراد لنا بأولاد .. والثانيه تزوجتها علشان الذريه ..ويمكن ماألقى عندها الحب
هي: يالله يوم قلت هالكلمه كنك صبيت مويا بارده على قلبي الي كان يحترق ..كأنك أنقذت شخص محكوم عليه بالأعدام !!
هـــــــــــــــــو : يالله أعدام !
هي : يعني وحده زوجها بيتزوج عليها وش تتوقع يعني أحس اني بتجنن بموت ..أحس أني بتجيني جلطه في المخ أحس اني خسرت كل شي ..كل الناس قاعده تتشمت فيني ..
ミ
ミ
ミ
هــــــــــــو : لا تقولين كذا ولا تبكين ترى تعذبيني ..
هي : لا تتعذب ولا شي بالعكس أنت المفروض تكون في قمة شبابك وقوتك ..الليله ليلة عمرك
هــــــو : ليالي عمري هي أنتي وليالي عذابي أنتي وذكرياتي أنتي وحاضري أنتي
هــــــــو : حنين ـ خذي >>>ويعطيها ظرف ..
هي : وش هذا ؟؟ تفتح الظرف وتشوف ...!!! فلوس !!
هـــــــو : هذي رضاوه لك ..وللمعلوميه تراى نفس مهر الثانيه ..
هي : طيب ليش ..خذ خذ فلوسك ياولد الحلال ...
هـــــــــو : هذي مو فلوسي هذي حقك تزوجتك وأنا موظف على قد حالي ..وبدخولك في حياتي ربي بارك لي في رزقي بسببك كنتي مدبره لكل شي ..تصرفين بحكمه وماتحبين التبذير ..كنت أقوم في نص الليل ألقاك تصلين وتدعين لي ..وربي أستجاب ..وصرت من أصحاب الملايين بسببك أنتِ..
هي : تبكي ..أنت تعرف أن الماديات ليست بذا أهميه عندي أنا بنت عز أبوي كان معيشنا ..
هـــــــــو : اذا تحبيني ..أقبليها مني ..
ミ
ミ
ミ
هي : وهالكيس وش فيه ..
هـــــــــو : فيه المشلح ..أبيك أنتي تلبسيني المشلح بيدك ..
هي : ياربي ..ـ وعيونها مليانه دمـــــــــــــوع ـ
هــــــــــــــــــو : حنين أبي لك الرضا بس ترضين سامحيني حنين ....
هي :
آه لامـن جـا يـعتـذر عـن خـطـاه
كـنـي أنـا الـلـي عـلـى حـالـي خـطـيـت
يـفـهـم الـقـلـب الـمـتـيـم وش وراه
يـدرك إحـسـاسـي لـو إنـي مـاحـكـيـت
كـلـمـا حـاولـت أزودهـا مـعـاه
إنـثـنـيـت ثـم إنـثـنـيـت ثـم إنـثـنـيـت
هــو : حنين .. ... ... ...
هي :جيتك عندي بهالوقت تسوى الدنيا كلها ..أنت الي سامحني ..لأني خذلتك
هـــــــــو : أستغفر الله هذا أمر الله ..الله كتب لنا كذا ورزقنا بمنصور ..وتعبنا وتالمنا كل لحظه ودقيقه بسبب المرض الي سبب لنا ألم وحزن ..حنين تدرين فراق منصور هو أكبر جرح في حياتي..
هي : منصور ..أأأه لا تذكرني ..حياتي كانت كلها له ..أتذكر كل شي فيه ..العابه ..حركاته كلماته ..حتى مراجعاتنا في المستشفى ..ونقل الدم له ..كنا ندعي اننا نلاقي متبرعين ..يالله ماحد يتصور قد ايش قطرة الدم هذي غاليه صحيح الي يده في المويا مو مثل الي يده في النار..
هــــــــو : راح منصور ..وانشاء الله يسبقنا لجنات النعيم ..
هي : خلاص لا تقعد تتذكر أحزاننا اليوم فرحك ..
هــــــــــــــو : رضيتي ..
هي : ......
أي شي بيفرحك لازم يفرحني ..تذكر يوم كنا صغار كان الجميع يسمينا التوئم ..كل شي فيك يشبهني ..سبحان الله وطلعت أنا حامله لمرض الثلاسيميا وأنت حامل لنفس المرض ..الحين أيقنت اني أنا وأنت شي واحد لا يمكن يتجزأ أبد ..أكيد بفرح لفرحك ..مو بس كذا ..حتى أولادك الي بيجون ..تراهم من الحين أولادي
هــــــــــــــو : طـــــــــــول عمرك طيبه ياحنين مارح تقول هالكلام الا بنت الاصول بنت الحسب والنسب ..
هي: يالله ياعريس قوم البس المشلح.. ..
هـــــــــــــو : يالله مع السلامه أشكرك حنين ..ألحين أحس اني مرتاح الله يرضى عليك ..
هي : مع السلامه ..هو خارج من الباب ..
هي : ماجد أنتبه ...ماجد: حنين ...أنتبه على ايش ..
هي : على قلبي الأمانه عنـــــــــــــــــــــــــدك ..هو يبتسم أبتسامة رضى وحنان ويغادر ..
ミ
ミ
ミ
بعـــــــــــــــــد ربع ساعه جاتها هالمسج من ماجـــــــــــــــد :
مهما افترقنا وغبت عن انظاري ..
انت حياتي ويومي وأمسي وباكر ..
وانت المطر والشجر والشمس وأقماري ..
شعور مهما اكتمه في صورتي ظاهر ..
يغني عن البوح والشكوى وأعذاري ..
وإن كنت بحالي داري وشاعر .. !
ミ
ミ
ミ
وكردة فعــــــــــل مباشره أرسلت له رساله هي :
أنت "عمري " لو فقدتك مابقى لعمري وجود ..
وين أروح بكل حبي وأنت لأوطانه أمان
ما لحبك يا عيوني في طرف عيني جحود
لو نسيتك ما بقالي وسط هالعالم مكان
لو برق " شوقك " ينادي جاوبه " شوقي" رعود
أنت كل الناس عندي يا بعد كل الزمان
تحياتي

شكرا ع المووووووضوع الكويس يابعد شبدي والله

.

يسلمووووووو